Ordenagailu eramangarriaren txartel grafikoa edo GPUa konpontzea

Ordenagailu eramangarrietan ohikoa izaten da txartel grafikoa hondatzea (txip grafikoa edo GPU ere deitua). Arazoa oinarrizko plakarako soldaduren akats batek sortua izaten da ia beti, eta gehiegi berotu izanaren ondorioa izaten da.

Honako hauek izaten dira sintomak:

• Ez da bideoa agertzen eramangarriaren pantailan. Kanpoko monitore bat konektatzen badugu ere ez da seinalerik izaten.
• Zentzurik gabeko lerroak edo pixelak agertzen dira pantailan.
• Irudia ez da garbi ikusten ez eramangarriaren pantailan ez kanpoko monitorean.
• Irudia txikia ikusten da, pantailan behin baino gehiagotan errepikatua.
• Noizean behin, eramangarria ondo jartzen da martxan, berriro ere tarte batez beltz gelditzen den arte.

Ordenagailu eramangarri bat piztean, txip grafikoaren gunea berotzen hasten da. Ordenagailu eramangarriko haizagailuak eta barreiatzaileak zikinak edo egoera kaskarrean badaude, ordenagailua gehiegi berotuko da, eta soldadurak poliki-poliki ahuldu egingo dira.

Konponbidea, ia kasu guztietan, txip grafikoaren eta plaka nagusiaren arteko eztainua aldatzea izaten da.